LeoClub 3º e 4º Marzo 2026

 Para esta sesión os lectores de terceiro e cuarto traían lidos un libro de Miñoca de Ramón D. Veiga e un de poemas de Antonio García Teijeiro: "Cacarabín, Cacarabón". Aproveitando que en tres días conmemoramos o "Día da Poesía" e que xa na sesión anterior traballaramos co cómic, estivemos a falar de cómo saber que un texto era poético ou non.  Ten rima e ten liñas curtas chamadas versos. Tamén falamos de cómo buscar na biblioteca libros de poesías e aprendemos que están colocados na estantería 82-P e ordenados alfabeticamente.

"Cacarabín, Cacarabón"

Buscando libros de poesías

Despois collemos algúns deles estivemos léndoos. A continuación fixemos a actividade plantar un verso. Escribimos os versos que máis nos gustaron nunha tarxetiña e coloreamos unha folliña para a continuación facer con la unha bonita flor. Con ela quixemos conmemorar a chegada da primavera asi como o Día da Poesía. 

Seguinte aventura "lobo Ramón" de María Canosa

Leo Club 2º Marzo

Comezabamos a sesión de marzo comentando o libro de Begoña Alonso, "Os Mug, atrapados no móbil", que lemos no mes de febreiro.

Tamén ensinamos as nosas árbores dos desexos.Unha proposta que xurdiu do libro da mesma autora que lemos en xaneiro. Árbores das que xurden corazóns, cromos, vehículos motorizados, cartos, bicicletas, diamantes e por suposto libros.

Ideas  marabillosas destes artistas que son os Leoríns Leorados.

Pero imos o máis importante, aínda que todo é esencial nos nosos encontros.

    

Nesta ocasión os Leoríns Leorados coñeceron uns obxectos un pouco especiais, algúns bastante antigos.

               

e tiñan que adiviñar que eran, que utilidade tiñan,...? Pasaríalles como á familia prehistórica do libro que leron?

Algún obxecto tiñan clarísimo que era e para que servía, pero outros... deste xeito comprenderon e empatizaron coa familia Mug, que no libro que leron non sabían que era un móbil e como funcionaba.

E así remataba unha nova sesión dos Leoríns Leorados, que desta vez levaron para "bucear" nel "¿Quién recoge las cacas del perro?" de Ricardo Alcántara.

Abur, vémonos na vindeira sesión!

LeoClub 3º e 4º Marzo 2026

 Para esta sesión traiamos lidos uns cómics de Ramón D. Veiga: "Miñoca e coello" e "Miñoca e ourizo" e todos coincidimos en que foron moi divertidos. Primeiro estivemos a falar se nas páxinas en que non había texto tamén había algo que ler e todos/as estaban de acordo en que os debuxos tamén se len pois nos contan moitas cousas e dan moita información importante para entender a historia. Logo estivemos a falar dos distintos tipos de bocadillos e fixemos un xogo no que a cada quen lle tocaba un tipo de bocadillo e tiña que dicir un texto adecuado e coa entoación axeitada. Finalmente repartimos outros bocadillos nos que xa había un texto que tivemos que ler e ordenar para que tivesen certo sentido. Pasámolo xenial. Antes de marchar decidimos cal sería a nosa seguinte lectura. Podiamos escoller entre ler o outro cómic que non leramos ou outro libro de narrativa de Agustín Fernández Paz. Por maioría absoluta escollemos o outro cómic que non leramos. Vémonos en marzo rapaces!!

Grazas profe Elia por facer estes xogos tan divertidos!

LeoClub 5º-6º. Febreiro 2026

Tivo lugar unha nova xuntanza do Club de lectura na que falamos das impresións e opinións que tiñamos sobre a magnífica e sorprendente Ana.

Coma noutras ocasións, unha vez que nos metemos na aventura de ler un novo libro, cada lector é un mundo e polo tanto atopámonos con que... uns/has van no capítulo II, outros/as na metade do libro, algún/ha comezando está e hai quen xa o rematou.

No noso equipo podemos superar este natural "contratempo" e fomos capaces de falar do libro sen anticipar acontecementos que algún/ha aínda descoñece.

Nesta ocasión centrámonos na descrición física e da personalidade dos personaxes do libro pero dunha maneira diferente. Fixemos equipos, a cada un tocoulle a imaxe dun personaxe e a usando unha pequena ficha a modo de guía fomos facendo un "retrato" d@ personaxe. Desta  de maneira, segundo ía avanzando a información dada, os demáis equipos debían tratar de acertar de quen falabamos.

Non foi tan doado, xa que no noso libro non aparecen case imaxes e as imaxes coas que traballamos foron sacadas da serie de televisión. Por esta razón, houbo algunha que outra confusión. 

Realmente imaxinabamos así a Rachel Lynde ou ao señor Cuthbert?

E que opinades a Marilla?

É sempre real a imaxe física que construímos na nosa cabeza sobre personaxes, persoas das que escoitamos falar...? Esto foi tema de debate.

Seremos capaces de facer actividade usando palabras "tan completas e especiais" como as que usa Ana?

Foi outra xornada diferente e como sempre curta. Tamén tivemos tempo de pasar a carón do mural que fixemos sobre a nos anterior aventura "Saínza a Punkieteira". Gran traballo!!!

Vémonos na seguinte sesión, na que xa a maioría (ou todos) teredes rematado o libro!!!.

Para @s que xa o remataron, vimos que na nosa biblioteca hai outras versións do libro (incluso unha serie con varios libros da mesma colección) que podemos aproveitar para ler, xa que según comentamos, quedamos con GANAS DE MÁIS!!!

LeoClub 2º Febreiro

Co A: Neno aventureiro ao que lle gustan os libros e a música.

Co B: Cousa que facía Rasi cando todos os nenos e nenas lle preguntaban.

Co C: Lugar onde os nenos e nenas aprenden.

Nesta sesión, os Leoríns Leorados enfrontáronse a un taboleiro de letras baleiro que tiveron que encher xogando ao Pasapalabra de "A despensa máxica" de Begoña Oro, último libro que levaron.

De xeito individual tiñan que coller unha letra e escoitar con moita atención a definición;para así lograr colocar a letra no seu oco do taboleiro. Se algunha dúbida xurdía, que sí que xurdíu, podían pasar palabra e pór a maquinaria do cerebro a rebuscar entre as lembranzas do libro lido.

Divertido non sí? Seguro que vos gustaría xogar tamén, pero ...

NON NON NON!

Como ides participar senon lestes o libro de Begoña Oro?

Si que é certo que algunha seguro que adiviñades porque sodes list@s.

ATENTOS/AS!

Contén o Ñ: Onomatopea que aparece nos cómics cando comemos ou algo está delicioso.

Esta era sinxela, pero outras imposibles sen ler o libro.

O importante é que a sesión foi un * ________   

*Co E: Sinónimo de triunfo

E que nas sesións dos Leoríns Leorados pasámolo * _________ 

* Co X: Similar a sensacional

E o vindeiro libro a ler "Os Mug,atrapados no móbil".Outra historia divertidísima de Begoña Oro.