O mércores día 15 comezaba a andaina do club de lectura de 2º con moitas caras novas. Estamos felices porque cada día somos máis os amantes da lectura e dos bos momentos que os libros nos ofrecen.
O primeiro foi buscar un nome que nos identificara como equipo. Unha tarefa sinxela feita entre todos.
Somos "Os Leoríns Colorados"
A continuación cada un de nós fixo unha chapa co nome do grupo. Quedaron chulísimas e todas diferentes.
Unha vez tivemos a insignia dos Leoríns Colorados lembramos entre todos que é un club de lectura e cales son os requísitos e normas para sacar o máximo proveito aos libros propostos e aos momentos de xuntanza do club.
E chegaba por fin o momento de coñecer cal era a primeira lectura. O título do libro que nos atraparía este mes
"Ai,que medo!" de Ricardo Alcántara
O que os Leoríns Colorados non sabían e que uns días despois ían recibir un sobre negro cunha tarefa arrepiante.
